வாழ்ந்து தான் பார்க்கலாம் வாங்க

வாழ்க்கையில் இணைந்த இருவரால் - நான்
வாழ்க்கையில் ஒருவராய் மலர்ந்து விட்டேன்.
வாழ்க்கையில் அம்மா, அப்பாவை நானறிந்தேன்
வாழ்க்கையில் எனக்கொருவள் வந்தாள் வாய்த்தாள்
வாழ்க்கையில் குடும்பம் பற்றிப் படிப்பித்தாள்
வாழ்க்கையில் ஒருத்திக்கு ஒருவனாய் இருந்தேன்
வாழ்க்கையில் பணமும் பண்பும் தேவையென்றாள்
வாழ்க்கையில் அன்பாலே ஆளையாள் கட்டுபடுத்தினோம்
வாழ்க்கையில் அன்புபெருக பிள்ளைகள் பிறந்தனர்
வாழ்க்கையில் பிறந்த பிள்ளைகளைப் படிப்பித்தோம்
வாழ்க்கையில் பிள்ளைகளோ நல்லாய் இருக்கிறாங்க
வாழ்க்கையில் பிள்ளைகளால் நற்பெயர் பெற்றோம்
வாழ்க்கையில் அண்டை, அயலுக்கு உதவினோம்
வாழ்க்கையில் இன்றுவரை மகிழ்வோடு வாழ்ந்தோம்.
வாழ்க்கையில் வருமொருநாளில் சாகவும் காத்திருக்கிறோம்
வாழ்க்கையில் வாழ்ந்தவர்கள் சொல்வதும் இவைதான்
வாழ்க்கையில் வாழவேண்டியவர் கற்கவேண்டியதும் இவைதான்
வாழ்க்கையில் வெறுப்புகளை விதைக்காமல் வெல்லுங்கள்
வாழ்க்கையில் விருப்புகளை விதைத்தால் வாழலாம்
வாழ்க்கையில் வாழ்ந்துதான் பார்க்கலாம் வாருங்கோ!