வாழ்வா சாவா

சமகாலத்தில் சாவு அதிகரித்து விட்டது.
வாழ்வைப் பற்றிச் சிந்திக்க மறந்து
சாவை நாடிச் செல்வது மனிதரா
மனிதரின் வாழ்வைப் பறிப்பது சாவா
கண்டு பிடிக்க முடியவில்லையே!
(வசன/வரிக் கவிதை)

சாவை விரட்டுவதும் கூட
வாழ்வதற்கான போராட்டம் தான்!
வாழ்க்கையே போராட்டம் என்று
சாவை நாடுவதும் கூட
தவறான கண்ணோட்டம் தான்!
(புதுக் கவிதை)

சாவைத் தான் நீதழுவப் போனாயா
சாவேதான் உன்னையே நாடியதா
எண்ணிப் பாருன் வாழ்வைத் தானே!
(நேரிசை ஆசிரியப்பா)

மனிதரா சாவைத்தான் தேடியே செல்கிறார்
சாவு மனிரையே நாடி வருகிறதா
யாருக்குத் தான்தெரியும் சொல்லு.
(பல விகற்ப இன்னிசைச் சிந்தியல் வெண்பா)

வாழ்வை உதறியே சாவையே நாடுவதா
வாழ்ந்துதான் பாருங்கள் நன்று.
(ஒரு விகற்பக் குறள் வெண்பா)

ஆக்கம்: யாழ்ப்பாவாணன் (மாதகல்வாசி காசி.ஜீவலிங்கம்)

முயற்சி செய்து பார்க்கலாம்

 

என்னையும்
கவிதை எழுத வைக்க
பலர் தூண்டி இருந்தனர்!
ஒழுங்காகக் கையெழுத்துப் போடத் தெரியாது
எனக்கு எப்படி எழுத முடியும் என்றேன்!
பத்திரிகையை வாசித்துப் பார்
மூ.மேத்தாவின் புத்தகத்தை வாசித்துப் பார்
யாருடைய கிறுக்கலையாவது  வாசித்துப் பார்
அதேபோல - நீயும்
எழுத முயற்சி எடுத்துப் பார் என்று ஆளுக்காள் அறிவுரை சொன்னார்கள்!

"உனக்கு நீயே கடவுள்
உனக்கு நீயே பிரம்மா
உனக்கு நீயே நீதிபதி
உனக்கு நீயே முதலாளி
உனக்கு நீயே தொழிலாளி
உனக்கு நீயே எல்லாமும் தான் 

அப்படி இருக்கையில்
எப்படியாவது எல்லாவற்றுக்கும்
உன் முடிவே செல்லுபடி ஆகும்!"
என்றெழுதிச் சிலரிடம் காட்டினேன்!

"நாலு பேரை விசாரித்து
மூன்று பேர் சொன்னதையாவது
முடிவாகக் கொள்ளலாமே!
மாற்றார் முடிவுகள் எப்படி இருக்குமென
பொருட்படுத்தாமல் முடிவு எடுப்பது
முற்றிலும் தவறல்லவா!" என்று
வாசித்தவர் பலர் - ஆளுக்கொரு
எதிர்க்கருத்தை முன்வைத்தனர்!

"எவரும் எதையும் எப்படியும்
எழுதிவிடலாம் - ஆனால்
வாசிப்பவர் விருப்பந்து எழுதினால் மட்டுமே
எழுத்துக்குப் பெறுமதி கிட்டும்!" என்று
தோழி ஒருத்தி
எனக்கு ஊக்கம் தந்தாள்!

"உள்ளம் நிறையக் கிடக்கின்ற
எதனையும் வெளியில் கொட்டி விட்டாள்
உள்ளத்தில் அமைதி கிட்டும் - அதற்கு
எழுத்து நல்ல ஊடகம் ஆகும்!" என்று
தோழர் ஒருவர் - எழுத்தையும்
மருந்தாகப் பாவிக்கலாம் எனத் தூண்டினார்!

பயனுள்ள பொழுதுபோக்காக
விரும்பியதை வாசி/எழுது என்று
எனக்குப் படிப்பித்த ஆசிரியர்மார்
அடிக்கடி நினைவூட்டி இருந்தனர்!
நானும்
நேரம் கிடைக்கின்ற போது
பயனுள்ளதாகப் பொழுதைப்  போக்க
எழுதிக் கொண்டே இருக்கிறேன்!
எப்பன் எப்பனாக - என்
எண்ணங்களை எழுதிக் கொண்டிருப்பதும்
உள/மன நிறைவு தரும் முயற்சியே!

ஆக்கம்: யாழ்ப்பாவாணன்
(மாதகல்வாசி காசி.ஜீவலிங்கம்)

காதல் பற்றிய சில வரிகள்

 👦👧👨👩👤👥👪

ஏன் காணும்
காதலிக்காமல் விட்டாய்? என்கிறாய்...
காதலில் குதித்தால்
பிச்சை எடுக்க வேண்டி வருமே!
ஆதலால், அந்தப் பக்கம்
நான் தலை காட்டவில்லைக் காணும்!
எந்தப் பெண்ணும்
கண்ணில் சிக்கவில்லையா? என்கிறாய்...
என்னைச் சுற்றி
பலர் வட்டமடித்தனர்...
பிச்சைக்காரன் ஆகக்கூடாதென
அவர்கள் வலையில் சிக்காமல்
தப்பிக்கொண்டேன் காணும்!
திருமணம்
எப்படி நடந்தது? என்கிறாய்...
எனது இழிநிலையை
இரண்டு கண்ணாலும் பார்த்த
ஒருவள் தான் தலையை நீட்டினாள்
என் நிலை அறிந்து உணர்ந்தவளென
அவள் கழுத்தில் தான்
தாலி கட்டினேன் காணும்!
திருமணமான பின்னரும்
காதலிக்கவில்லையா? என்கிறாய்...
என்னை அறிந்த இல்லாளை
நானும் காதலிக்கிறேன்!
எனக்காக இரங்கிய இல்லாளும்
என்னைக் காதலிக்கிறாள்!
கணவன் - மனைவி காதல்
திருமண முறிவுக்கு
ஒருபோதும் இடமளிக்காது காணும்!
என்னங்க - ஒரு
பதிலையும் காணோம்? என்றேன்...
திருமணத்திற்கு முந்தைய
காதலை விட
திருமணத்திற்குப் பிந்தைய
காதல் தான்
குடும்ப உறவை வலுப்படுத்துமென
என்னைக் கேள்வி கேட்டவர்
ஓடி ஒதுங்கினார் காணும்!

கவனம் தேவை

 'அ' என்பவர் 'ஆ' வையும் 'இ' ஐயும் பிரித்தால் 'அ' உடன் 'ஆ'  சேரும் என்பது பொய். 'அ' என்பவர் 'ஆ' வை அதிகம் விரும்பினால் இணைவது உறுதி. ஆதலால் 'இ' விலகிச் செல்லக் கூடும். இந்தக் கதையைச் சொல்ல முயற்சித்த பதிவு இது.

👧👦❤

என்னை 

எவருடன் இருந்தும் பிரித்தாலும் கூட

பிரிந்தவரின் எண்ணங்கள் 

உள்ளத்தில் உருண்டு கொண்டிருப்பதால் 

என்னோடு புதியவர் இணைய

வாய்ப்பில்லைக் கண்டியளோ!

என்னோடு

புதியவர் ஒருவர் இணைந்துவிட்டால்

புதியவரின் செயல், குணம் அறிந்து 

என்னோடு இருந்த பழையவர்

என்னை விட்டுப் பிரியலாம் கண்டியளோ!

பழைய உறவைப் பிரிப்பது 

சுகமாக இருந்தாலும் கூட

புதிய உறவை இணைத்துக் கொள்வது

இயலாமல் போகவும் கூடும் என்றே

மூன்று கோணப் பார்வை 

எனக்கு உணர்த்துகிறது - ஆதலால் 

மாற்றாரைப் பிரிக்காமல் 

மாற்றாரை இணைக்க முயலும் காணும்!

செய்தி வாசிப்போம்

👨👩👧👤

இன்றைய செய்தி!

புலனாய்வுப் பிரிவு 

திடீர் பணக்கார உறவுகளைப் பிடித்து

எப்படி - தங்களால் 

திடீர் பணக்காராக முடிந்தது என்று 

விசாரணை செய்யப் போகிறார்களாமே!

பணம் வந்த வழியைக் கூறா விட்டால் 

பணத்தை அரசுடைமை ஆக்குவதும் 

தரம் வாய்ந்த தண்டனைக்கு 

ஆளை நீதிமன்றில் ஒப்படைப்பார்களாம்!

புலனாய்வுப் பிரிவு 

ஏழைகளைப் பிடித்து - அவர்களை

பணக்காரர் ஆவது எப்படி என்று 

தொழில் வழிகாட்டலைச் செய்யலாம் 

எதற்கும் இயலாதவர்களுக்கு

அரச உதவி பெற்றுக் கொடுக்கலாம் 

என்றெல்லோ

ஏழைகள் முன்னேற்ற முன்னணி 

ஒருவேளை உணவுக்குக் கெஞ்சி நிற்கின்றது!

ஆண்டவா! அளவுக்கு மிஞ்சி நீண்டவா!

ஏழைகளைக் கொஞ்சம் 

திரும்பிப் பார்க்க மாட்டாயா?

உன் மூச்சுக் காற்றுக் கூட

பணக்காரர் வீட்டுப் பக்கமாகவே வீசுகிறது!

எம்மைப் படைத்த ஆண்டவா!   

ஏழைகளை ஏன் படைத்தாய்? 

என்றல்லவா - உன்னிடம்

ஏழைகள் முன்னேற்ற முன்னணி 

ஒவ்வொரு நாளும் அழுது வடிக்கின்ற

கண்ணீரால் நாடே நனைகின்றது!