Yarlpavanan Publishers: அதனால், நட்புக்கு அழுக்கு

சனி, 5 ஏப்ரல், 2014

அதனால், நட்புக்கு அழுக்கு

பெண்ணே!
நான் கெட்டவன் என்றா
என்னை விட்டு ஒதுக்கினாய்
அதனால்
நான் துயரப்படவில்லை!
பெண்ணே!
நீ என்னை நெருங்க
நானும் ஒதுங்குகிறேன்
அதனால்
துயரப்பட்டுவிடாதே!
காலம் மாறிப் போனாலும்
எங்கள் மக்களையும் (சமூகம்)
இன்னும் மாறவில்லையே
அதனால்
இருவருக்கும் கெட்ட பெயரை
வழங்க முடியாமல் திணறுமே!
என் மனைவிக்கு
உன் மீது விருப்பம் தான்
அதனால் - நீயே
என் வீட்டுப் பக்கம் வரலாம்
என் மனைவி முன்னே
நாமும் கருத்துப் பரிமாறலாம்!
உன் கணவனுக்கு
என் மீது விருப்பம் என்றால்
அதனால் - நானும்
உன் வீட்டுப் பக்கம் வரலாம்
உன் கணவன் முன்னே
நாமும் கருத்துப் பரிமாறலாம்!
நல்ல நட்புக்கு மட்டுமல்ல
உள்ளத்து அன்பைப் பகிரவும்
தடுப்பு வேலிகள் இருக்க
வாய்ப்பில்லையே...
அப்படியேதும் இருந்து விட்டால்
அங்கே
நட்புக்கு அழுக்கு இருக்கிறதே!

Yarlpavanan

ஈழத்து (வட இலங்கை), யாழ்ப்பாணம், மாதகலூரில் பிறந்த தபாலதிபர் காசிராசலிங்கம் அவர்களுக்கும் பரமேஸ்வரி அவர்களுக்கும் நடந்தேறிய திருமணத்தின் விளைவாக ஜீவலிங்கம் ஆகிய நான் 07/10/1969 அன்று பிறந்தேன். இலங்கை அரச பாடத் திட்டப்படி க.பொ.த. உயர்தர வகுப்பு வரை படித்திருக்கிறேன். கணினி நுட்பங்கள், இதழியல், உளவியல், மருத்துவமனை முகாமைத்துவம் எனப் படித்துமுள்ளேன். நான், யாழ்பாவாணன் என்ற பெயரில் இலக்கிய மற்றும் இணையத் தள உலகில் உலா வருகின்றேன்.