Translate Tamil to any languages.

வெள்ளி, 24 நவம்பர், 2017

தமிழுக்காகக் கொஞ்சம் உதவுவோம்!

எப்போதும் தமிழில் பேசுவோம்
தேவைப்பட்டால்
பிறமொழியிலும் பேசுவோம்
எப்படியாயினும் - தமிழில்
பிறமொழியைச் சேர்த்துப் பேசாதீர் - அது
தமிழைக் கொல்லும் பணியே!
தமிழைக் கொல்லும் பணியைச் செய்யாது
தமிழில் பேசித் தமிழராய் இணைவோம்!

எங்கும் எதிலும் எப்போதும்
பிறமொழிகளைக் கொஞ்சம் நீக்கி வை
அப்ப தான் தமிழ்மொழி வாழும்!
எப்பவும் தான் எல்லோரும் தான்
எண்ணியவாறு நற்றமிழைப் பேண
பிறமொழிகளைக் கொஞ்சம் விலக்கி வை!

உலகெங்கும் வாழும் உறவுகள் எல்லோருக்கம்
இலகுவாய்த் தமிழின் சிறப்பை உணர்த்த
ஹாவாட்டில் தமிழுக்கான இருக்கை அமைக்க
உணர்வுள்ள தமிழர் எல்லோரும் உதவலாமே!


ஹார்வார்டு பல்கலைக்கழகத்தில் தமிழ் இருக்கை என்பது, ஐக்கிய அமெரிக்காவில் உள்ள உலகப் புகழ் பெற்ற ஹார்வார்டு பல்கலைக்கழகத்தில் தமிழைக் கற்கவும், ஆய்வுகளை மேற்கொள்வதற்கும் வசதி செய்யுமுகமாக நிறுவ உத்தேசிக்கப்பட்டுள்ள கல்விசார் இருக்கை ஆகும். தனியார் அறக்கொடைகளை அடிப்படையாகக் கொண்டு நிறுவப்படுகின்ற பிற கல்விசார் இருக்கைகளைப் போலவே தமிழுக்கான இந்த இருக்கையும் தமிழ் சமூகத்தினால் வழங்கப்படவிருக்கும் 6 மில்லியன் அமெரிக்க டாலர்கள் பெறுமதியான நன்கொடைகள் மூலம் அமைக்கப்படவுள்ளது.
ஏனைய தகவலுக்குக் கீழ்வரும் இணைப்பைச் சொடுக்குக.

ஒவ்வொருவர் உள்ளத்திலும் உருளும்
தமிழின் சிறப்புகள் ஒவ்வொன்றும்
ஒவ்வொருவராலும் பகிரப்பட்டு - அவை
நாளைய தலைமுறைக்கு உணர்த்த வேண்டும்!

பிறமொழி நீங்கில் தமிழ்மொழி வாழும்
வழியிலும் சரி வலைவழியிலும் சரி
தமிழ்மொழியைப் பேணலாம் வாரும்...
அப்ப தான் பாரும்
நாளைய தலைமுறை நற்றமிழைப் பேணும்!

கருத்துகள் இல்லை :

கருத்துரையிடுக

வருக அறிஞர்களே! தருக தங்கள் கருத்துகளையே!