அப்பா என்ன செய்தாலும
அம்மா என்ன செய்தாலும்எந்தப் பிள்ளையும் - அதனை
எதிர்க்க முயன்றதில்லை - அது
பெற்றோர் மீது
பிள்ளைகள் வைத்திருக்கும் நம்பிக்கை!
நண்பர்கள் சிலர் - சிலரை
நம்பிச் செயல்படுவார்கள்!
நம்பியவர்களை நம்பித்தான்
நாணயமாகச் செயற்பட்டவர் தான்
சாகும் வரை நட்பைத் தொடருகின்றனர்!
உள்ளப் பொருத்தம் பேணும் காதலர்கள்
ஒருபோதும் முறிவதில்லை! - அவர்களுக்குள்
நம்பிக்கை ஊற்று எடுக்கும்!
கணவன், மனைவி உறவு
சோதிடப் பொருத்தத்தில் இல்லை - அது
உள்ளப் பொருத்தத்தில் தான் நிலைக்கும்!
உள்ளப் பொருத்தம் ஒற்றுமைக்கு
அன்பு தான் உடல் அணைப்புக்கு
நம்பிக்கை தான் விருப்பங்களை நிறைவேற்ற
கணவன், மனைவிக்கு வேறேது தேவை!
பெற்றவர்கள்
பிள்ளைகளைப் பெற்றால் போதாது;
அன்பு காட்ட வேணும்...
அறிவை ஊட்ட வேணும்...
நம்பிக்கையைப் பேண வேண்டும்!
பெற்றோரின் அன்புக்கும் பற்றுக்கும்
பிள்ளைகள் தாமாகவே கட்டுப்படலாம்...
பெற்றோரில் தான் தங்கியிருப்பதாய்
பிள்ளைகளை வளர்க்கவும் கூடாது
அச்சுறுத்தி, அடக்கிப் பேணவும் கூடாது
பின்நாளில் - அவை
பிள்ளைகளுக்கும் பெற்றோருக்கும் இடையே
விரிசலை ஏற்படுத்தும் மருந்தாகலாம்!
நம்பிக்கை என்பது
பேச்சளவில் ஊற்றெடுப்பதில்லை;
செயல்களிலும் ஆற்றுகைகளிலும்
உள்ளம் விரும்புவதால் ஊற்றெடுக்குமே!
ஆக்கம்:
யாழ்ப்பாவாணன்
(மாதகல்வாசி காசி.ஜீவலிங்கம்)
கருத்துகள் இல்லை :
கருத்துரையிடுக
வருக அறிஞர்களே! தருக தங்கள் கருத்துகளையே!