அணிந்து கொள்ள விரும்பும்
ஆடைகளைத் தீர்மானிப்பது நீங்கள்!நுளம்பு வலை, மீன்பிடி வலை போன்றும்
பொட்டு, பொட்டாக ஓட்டை போட்டதும்
கீறல், கிழிசலாக வெட்டுப் போட்டதும்
நீங்கள் அணிந்து செல்லும் போது
பார்க்கின்ற ஆள்களுக்கு
வயிற்றைப் பிரட்டிச் சத்தி வருதே!
திரைப்படங்களில் ஆட்டக்காரிகள்
போட்டுகாட்டி உழைப்பது வேறு!
ஊருக்குள்ள பண்பாட்டைப் பேணும்
உடுப்புகளைப் போடாமல் திரிந்தால்
ஊரே ஒதுக்கிவைத்துப் போடும்!
ஆள் பாதி ஆடை பாதி என்றால்
ஆளை மறைக்க உடுப்பது பாதி
ஆளை மதிக்க உடுப்பது பாதி
என்பதை உறுதிப்படுத்த
ஆடையின்றித் தெருவில் ஓடிய ஒருவருக்கு
ஊரார் சேர்ந்து அடித்து உடைத்துப் போட்டு
சாக்கால போர்த்து விட்டது சான்று!
வீட்டிற்கு உள்ளே விரும்பியவாறு
உண்டும் குடித்தும் உடுத்தும் வாழலாம்!
வீட்டிற்கு வெளியே வந்து இறங்கினால்
ஊரார் போற்றும் கலைப் பண்பாட்டை
ஏற்று - அதற்குக் கட்டுப்பட்டு
உண்டும் குடித்தும் உடுத்தும் உலாவலாம்!
எனது மகிழுந்து, எனது எரிபொருள், எனது தெருவெளி
நான் எப்படியும் ஓட்டுவேன் என்று
எவரும் ஆட்டம் போட முடியாது
தெரு வெளி அரச சொத்து என்றறி!
நான், என்னுடையது எல்லாம்
பொதுவெளியில் ஏற்றுக்கொள்ளப்பட மாட்டாது!
நான், என்னுடையது எல்லாவற்றையும்
பொதுவெளிக் கட்டுப்பாட்டிற்கு அடங்கி
வெளிப்படுத்தி வீர முழக்கம் இடலாம்!
பணிந்தவர் உயர்வார்
உயர உயரப் பணிவு வந்தாலும் உயர்வார்
என்னை விடப் பெரிசு யாரென்று
தலையைக் காட்டினால் பிழைக்க முடியாதே!
ஆக்கம்:-
யாழ்ப்பாவாணன்
(மாதகல்வாசி காசி.ஜீவலிங்கம்)
கருத்துகள் இல்லை :
கருத்துரையிடுக
வருக அறிஞர்களே! தருக தங்கள் கருத்துகளையே!