நல்ல நண்பர் தேவை

 

நான் தனிப்பிறவி அல்ல

நான் தெய்வப்பிறவி அல்ல

நான் - மக்களோடு

மக்களாக வாழவேண்டிய பிறவி!

அப்படியாயின் - நான் 

ஏன் தனிமையாய் இருக்கிறேன்?

என் உள்ளம் தொட்ட 

எந்த உறவையும் விட்டு 

நான் விலகியதில்லை!

என் உள்ளத்தைத் தொட்டுவிட

எவர் வந்து பழகினாலும் கூட

நான் உறவாக அணைப்பேனே!

என் தனிமையைப் போக்கவல்ல

அறிஞர், வாசகர், பயனர் 

எவரையும் வரவேற்கக் காத்திருக்கிறேன்.

என் எழுத்தையும் பேச்சையும் நம்பாமல் 

பழகிப் பாருங்கள் 

உள்ளம் பொருந்தினால் உறவாக முடியுமே!

ஆக்கம்: யாழ்ப்பாவாணன்

தேடல்

 

எதோ ஒன்றைத் தேடும் 

எவரோ ஒருவரின் தேவையை

நிறைவேற்றிக் கொடுக்க 

எதோ ஒன்று 

எனக்கு உள்ளும் இருக்கலாம்!

இருப்பினும் - எவருக்கும் 

பயன்படக்கூடிய எதனையும் 

கற்றுக்கொண்டு தானிருக்கிறேன்!

என்னை நாடினால் 

ஏதும் கிடைக்கும் என்று

வருவோருக்கு வழங்கக்கூடிய - ஏதாவது 

என்னிடம் இருக்க வேண்டும் என்று 

நானுணருவதைத் தேடிக் கொண்டிருக்கிறேன்!

எழுத்தும் ஓர் உளமருந்து

 

என் இல்லாள் கூட "எழுதி எழுதி எழுதுதாளும் கிழிந்தும் எழுதுகோலும் தேய்ந்தும் போனது தான் மிச்சம். நாலு காசு வருவாய் வருகிறதா? தருகிறதா? என்னத்தை எழுதிக் கிழித்து என்னத்தைப் பண்ணப் போகிறாய்? நாலு காசு உழைத்தால் பரவாயில்லை!" என்கிறாள். எதிர்ப்புகள் வரினும் உள்ளம் நிறைவடையுத் தான் எழுதுகிறேன்.

மாற்றாருக்குச் சொல்லுகின்ற வழிகாட்டலையே நானும் பின்பற்றுகிறேன். அதனைக் கீழே தருகின்றேன்.

தாங்கள் எழுதுவதைத் தொடருங்கள்.

எவர் எதைச் சொன்னாலும் காதில் விழுத்துங்கள். ஊருலகம் ஏற்பதைப் பின்பற்றுங்கள்.

எழுதுவோருக்கு வாசகர் மட்டுமே பின்னூட்டி. அஞ்சாமல் தொடர்ந்து எழுதுங்கள்.

எழுத எழுத எழுத்தின் நடை அழுகுறும். உள்ளம் நிறைவடைய உள்நோய்கள் கிட்ட நெருங்காது. இலக்கியப் படைப்பாக்கம் கூட ஓர் உளச் சிகிச்சை தான்.