தைத்திருநாள் சொல்லும் செய்தி என்ன
இத்தரைக்கு ஒளிதரும் பகலவனுக்குத் தான்
நெல்லறுவடை நாள்கண்டு புத்தரிசி குத்தியெடுத்து
இல்லங்களில் பொங்கிப் படைத்து நன்றிகூறவே!
---------
தை பிறந்தால் வழி பிறக்கும் என்பதை நம்பித்தான்
பழசைக் கழித்து விடும் நானை
போகிப் பண்டிகை என்கிறோம்!
தை பிறந்தால் வழி பிறக்கும்
என்று நம்பித் தான்
வெயில், மழை தருவோனுக்கு
நன்றி கூறும் கோட்பாட்டைச் சொல்லி
பொங்கிப் படைத்து உண்டு களித்து
தைப்பொங்கலைக் கொண்டாடுகிறோம்!
உண்டு, களித்துக் கொண்டாட உதவிய
எம்வீட்டுச் செல்வங்களான பசு, எருது
எல்லாவற்றுக்கும் அடுத்த நாள் கூட
நன்றி கூறும் பொங்கல் படையலை
பட்டிப்பொங்கல் என்கிறோம்!
தை பிறந்தால் வழி பிறக்கும்
என்பதற்கு வலுச் சேர்க்கத் தான்
உறவுகள் வீட்டுக்குப் போய் வந்து
உண்டு களித்து உறவைப் பலப்படுத்தும்
நன்நாளைத் தான் மீண்டுப் பாரும்
காணும் பொங்கல் என்கிறோம்!
உழவர் திருநாள் உறவுகள் பெருநாள்
நன்றி கூறும் பண்பாட்டு நாள்
தமிழுக்கு முதல் நாள் தைத்திருநாளே!
----------
பொங்கல் பொங்கல் என்று பொங்கலும் வந்து போயிட்டு!
எங்கள் நன்றியைத் தெரிவித்தோம்
எங்களுக்கு ஒளிதரும் பகலவனுக்கு!
இந்தத் தையில் இருந்தாவது
எந்தன் உறவுகளைப் பலப்படுத்துவதே
இனியெங்கள் வேலையாகட்டும்!
கருத்துகள் இல்லை :
கருத்துரையிடுக
வருக அறிஞர்களே! தருக தங்கள் கருத்துகளையே!